Sími 441 2360

spjaldtolvur@kopavogur.is

Fréttir

Undirbúningur spjaldtölvuafhendingar í fullum gangi

10.1.2016

Spjaldtölvurnar sem nemendur í sjötta og sjöunda bekk fá afhentar eru komnar í hús og starfsmenn tölvudeildar vinna nú hörðum höndum að því að undirbúa tækin fyrir afhendingu. Ákveðnar forstillingar eru settar inn á tækin til að auðvelda umsýslu með þeim. Gert er ráð fyrir að fyrstu nemendurnir fái sínar spjaldtölvur í hendur upp úr miðjum mánuðinum. Ýmis handtök þarf til að virkja spjaldtölvurnar, tengja þær við tölvupóst, Apple-auðkenni og AirWatch umsýslukerfið. Þessari vinnu verður dreift á tveggja vikna tímabil þar sem spjaldtölvurnar koma fjórum sinnum inn í hvern bekk, áður en kemur að því að nemendur fái þær formlega afhentar og fái að fara með þær heim. Gert er ráð fyrir að spjaldtölvurnar fari fyrst heim í febrúarbyrjun.



Þetta vefsvæði byggir á Eplica