Í micro:bit appinu er hægt að læra að forrita í JavaScript og Python. Það er hægt að skrifa kóða sjálfur eða púsla saman kóðablokkum. Appið inniheldur mörg sýnidæmi og verkefni sem hægt er að leysa en það er líka hægt að vinna frjálst.
micro:bit er í dreifingu í Jamf hjá nemendum og kennurum.
Sphero er lítil forritunarleg kúla sem hefur verið mjög vinsæl hér á landi og því mikið til af kennsluefni á íslensku. Kennarar í Vatnsendaskóla bjuggu til námsefni fyrir Sphero sem þeir kalla Kúlus og er það gott framtak að íslenska hluti og hugtök sem notuð eru í skólastarfi. Kennaraheftið er hér og nemendaheftið hér.
MSHA hefur einnig tekið saman verkefni og hugmyndir og hér er efni fyrir lengra komna sem Ingvi Hrannar tók saman.
Appið kostar ekkert og er hér í App Store.
Osmo samanstendur af mörgum þroskaleikjum fyrir börn á aldrinum 5-12 ára. Tangram var fyrsta appið en svo hafa mörg önnur öpp bæst við eins og Words og Numbers en til að nota öppin þarf fylgihluti en þá má kaupa meðal annars hjá Nova.
Hér eru fínar leiðbeiningar á íslensku um leikina sem Unnur Valgeirsdóttir í Giljaskóla tók saman og hvernig hægt er að stofna aðgang og hér er myndband frá Telmu Ýr um Osmo í kennslu.
Hér er íslenskur Facebook hópur þar sem kennarar ræða um Osmo.
Swift Playgrounds (Leiksvæði) er byltingarkennt app fyrir iPad til að læra forritun og að læra á forritunarmálið Swift sem er notað til hanna mörg öpp. Apple er framleiðandi appsins og það kostar ekkert.
Hér eru leiðbeiningar sem hægt er hlaða niður í iBooks.
Hér eru leiðbeiningar hvernig hægt er að nota leikinn Minecraft í námi og kennslu.
Appið er hér en það kostar en einnig er til skólaútgáfa af appinu (Minecraft: Education Edition). Kennarar geta óskað eftir henni hjá UT deildarstjórum.
Á Facebook er hópurinn Minecraft: Education Edition á Íslandi
Léttur byrjendaleikur í kóðun með MakeCode.
Umfjöllun á Common sense media.
Lightbot er skemmtileg myndræn leið til að kenna einfalda forritun. Hér er ókeypis útgáfa af appinu í tengslum við Hour of Code. Hér er svo hægt að fá keyptu útgáfuna. Hér er svo stutt kennslumyndband.
Kostnaður: Frítt að ákveðnu marki.
Nú hafa Pixar og Khan Academy leitt saman hesta sína og útbúið kennslumyndbönd og verkefni í einfaldri forritun þar sem litli sæti lampinn kemur við sögu.
Fyrstu verkefnin henta öllum aldri en kennari gæti þurft að útskýra fyrir yngri nemendum hvað á að gera þar sem allt efnið er á ensku. Hægt að vinna verkefnin í PC tölvu en líka í iPad og þá bæði í vafra en líka í Khan-appinu sem finna má hér.
