Category Archives: Yngsta stig
Stafarugl Snjallkennslu
Stafarugl Snjallkennslu er forrit sem leyfir notandanum að setja inn texta sem verður svo að einstökum flísum sem hægt er að færa til og frá á borði. Forritið er hugsað til notkunar í skólum þegar verið er að vinna með orð í Byrjendalæsi.
Stafarugl Snjallkennslu er í dreifingu í Jamf hjá nemendum og kennurum.
Math Slide öppin
Math Slide öppin eru þjálfunarleikir í stærfræði.
Math Slide öppin sem eru í dreifingu í Jamf hjá nemendum og kennurum eru Add & Subtract og Hundred, Ten, One og Multiply & Divide og tens & ones.
Orðalykill
Appið miðar að því að styrkja orðaforða, vinnsluminni, heyrnræna úrvinnslu og máltjáningu barna. Allt eru þetta undirstöðuþættir máls og læsis. Forritið hentar öllum þeim sem eru að læra íslensku, börnum á yngsta grunnskólastigi og eldri börnum sem eru að læra íslensku sem annað tungumál.
Orðalykill er í dreifingu í Jamf hjá nemendum og kennurum.
TurnoClase
Turnoclase er app til að stjórna umræðum í kennslustofunni. Nemendur geta ýtt á takka til að fá tækifæri til að svara eða spyrja spurninga og kennarinn ýtir á „næsta“ takkann til að velja næsta nemanda.
TurnoClase nemendaappið er í dreifingu í Jamf hjá nemendum og kennurum.
Evolytes
Evolytes kennir fyrstu skrefin í stærðfræði á skemmtilegan hátt með leikjum með því að samtvinna námsbók, námsleik, upplýsingakerfi fyrir foreldra og einstaklingsmiðað námsefni þar sem kennari/foreldri getur fylgst með frammistöðu barns.
Appið sjálft kostar ekki en til þess að nýta það þarf að kaupa áskrift. Kópavogur kaupir áskrift handa nemendum á yngsta stigi. Nánari upplýsingar veita deildarstjórar UT í hverjum skóla.