Category Archives: Tónlist
Google Arts & Culture
Google Arts & Culture er bæði vefur og app frá Google sem fjallar um listir og menningu. Hægt er að fræðast um listamenn og söfn en einnig er mikil gagnvirkni bæði á vef og í appi. Til dæmis er hægt að setja sína eigin andlitsmynd í þekkt málverk og semja fjögurra radda óperu með Blob Opera og margt fleira.
Sjón er sögu ríkari.
Mussila Music School
Mussila Music School er tónlistarapp fyrir byrjendur í tónlistarnámi og hentar því vel fyrir nemendur í 1.-3. bekk. Appið er frítt upp að vissu marki en Kópavogur hefur keypt það fyrir nemendur í 2. og 3. bekk. Nánari upplýsingar hjá tónmenntakennurum og deildarstjórum í upplýsingatækni.
Hér má nálgast appið og hér eru myndbönd sem sýna og kenna á appið.
Garageband
Garageband er app frá Apple sem fylgir spjaldtölvunni og er notað til að búa til tónlist. Hér eru leiðbeiningar frá Björgvini Ívari um fyrstu skrefin og hér eru ítarlegri leiðbeiningar frá Fjölmennt.
Hér eru svo handbók frá Apple.
dig cc mixter
Á vefsíðunni dig.ccmixter er hægt að finna tónlist til að nota t.d. í myndbandagerð í iMovie. Tónlistin kostar ekkert en geta verður heimilda. Nánari leiðbeiningar hér.
Hlaðvarp – Podcast
Hlaðvarp (Podcast) eru safn fyrir hljóðskrár. Í iPad-spjaldtölvunni er app til að hlusta og gerast áskrifandi að hlaðvörpum.
Til að hlaða upp og geyma hljóðskrár má benda á Soundcloud en þessi þjónusta er frí að vissu marki. Hér eru leiðbeiningar um hvernig hljóðskrár eru settar í Soundcloud.
Hér eru svo leiðbeiningar hvernig búa má til sitt eigið hlaðvarp með Garageband og hlaða upp í Soundcloud.
Anchor appið sem nú nefnist Spotify for Podcasters hefur verið vinsælt í hlaðvarpsgerð og hér útskýrir Björgvin Ívar hvernig það er notað og Sæmundur Helgason hérna líka og hleður því upp í Google hlaðvarp.
Til að gera hljóðskrárnar aðgengilegar nemendum er hægt að nota QR kóða. Sjá nánar hér.
Hér er svo frábær handbók um hlaðvarpsgerð frá A til Ö sem Oddur Ingi Guðmundsson tók saman.
Lyricstraining til þjálfunar í tungumálum
Lyricstraining er vefsíða sem streymir lögum af youtube en setur lagatextana í sérstakan glugga. Í lagatextana vantar orð sem notendur þurfa að skrifa inn í til að klára að hlusta á lagið. Lyricstraining virkar vel í spjaldtölvu og borðtölvu. Útskýringarmyndband á íslensku hér og á ensku hér.
Incredibox – Vefsíða og app til að búa til tónlist
Með Incredibox er auðvelt fyrir notendur að búa til tónlist með því að raða saman laglínum og taktlínum. Það kostar ekkert að nota vefsíðuna en appið kostar.
Vilji kennarar í Kópavogi fá appið handa sínum nemendum geta þeir haft samband við UT deildarstjóra í sínum skólum.