Stafarugl Snjallkennslu er forrit sem leyfir notandanum að setja inn texta sem verður svo að einstökum flísum sem hægt er að færa til og frá á borði. Forritið er hugsað til notkunar í skólum þegar verið er að vinna með orð í Byrjendalæsi.
Stafarugl Snjallkennslu er í dreifingu í Jamf hjá nemendum og kennurum.
Appið miðar að því að styrkja orðaforða, vinnsluminni, heyrnræna úrvinnslu og máltjáningu barna. Allt eru þetta undirstöðuþættir máls og læsis. Forritið hentar öllum þeim sem eru að læra íslensku, börnum á yngsta grunnskólastigi og eldri börnum sem eru að læra íslensku sem annað tungumál.
Orðalykill er í dreifingu í Jamf hjá nemendum og kennurum.
Moka Mera Lingua appið er ætlað 3-8 ára börnum til að læra ný tungumál og til auðvelda krosstyngingu (e. translanguaging). Það er til á 13 tungumálum: Arabísku (Levantine), Kínversku (Mandarin), Ensku, Finnsku, Frönsku, Þýsku, Rússnesku, Spænsku, Norsku, Dönsku, Íslensku, Sænsku and Úkraínsku.
Appið er ókeypis og því fylgja kennsluleiðbeiningar fyrir 30-35 mínútna kennslu, með þremur viðfangsefnum og ýmsum viðbótaræfingum. Notendur læra nöfn ýmissa hluta, tölur frá 1-20, nöfn litanna, ýmis hugtök og gera nokkrar samstalsæfingar.
Með Textingstory er hægt að búa til skilaboðaþráð milli tveggja einstaklinga sem getur verið einstaklega skemmtilegt milli persóna sem voru uppi fyrir tíma snjalltækja. Hér er appið og hér eru leiðbeiningar um fyrstu skrefin.
Pages er ritvinnsluapp (líkt og Word og Docs) frá Apple sem fylgir spjaldtölvunni. Hér er handbók frá Apple um allt er viðkemur appinu og hér leiðbeiningarmyndband um fyrstu skrefin.
iMovie er myndbandagerðarapp frá Apple sem fylgir spjaldtölvunni. Með því er hægt að búa til myndbönd með einföldum og fljótlegum hætti enda er það mjög vinsælt meðal nemenda. Hér eru leiðbeiningar frá Björgvini Ívari um fyrstu skrefin og hér eru leiðbeiningar um Green Screen möguleikann sem er innbyggður í appið.
Hér er sýnt hvernig iMovie appið sjálft getur búið til myndband úr mörgum myndum og myndbandsbútum og hér um „Storyboard“ möguleikann.
Hér eru svo ýmsar leiðbeiningar um grunnatriði í kvikmyndagerð.
Nemendur hafa gaman af brúðugerð í spjaldtölvum og hér eru tvö öpp sem hafa notið mikilla vinsælda hér á landi síðustu ár. Þau heita nánast það sama enda frá sama framleiðanda og hafa mjög svipaða virkni.
Puppet Pals HD er meira notað með yngri nemendum eins og Fjóla Þorvaldsdóttir hefur mikla reynslu af og hefur hún útbúið nokkur myndbönd sem sýna möguleika appsins.
Tvær útgáfur eru af þessu appi. Fría útgáfan er með fáum sögupersónum en keypta útgáfan með fleiri möguleikum.
Puppet Pals 2 er hitt appið og það hefur annað útlit en Puppet Pals HD en svipaða virkni. Það kemur líka í tveimur útgáfum. Fría útgáfan er með fáum sögupersónum en keypta útgáfan með fleiri.
Í appinu Lærum og leikum með hljóðin eru öll íslensku málhljóðin kennd á lifandi og skemmtilegan hátt með fyrirmynd fyrir hvert og eitt hljóð. Heiti bókstafanna og hljóð þeirra eru kennd með íslenska fingrastafrófinu um leið og lestrarferlið er undirbúið. Á sama tíma er réttur framburður hljóða kenndur. Aðferðin byggir á áratuga reynslu talmeinafræðings með áherslu á að veita aðgengilega og faglega leiðsögn til foreldra og skóla.
Nánari upplýsingar eru á vef höfunda.
Chatter Pix Kids er einfalt og skemmtilegt app þar sem tekin er mynd og gert strik þar sem á að vera munnur. Síðan er röddin tekin upp og appið lætur svo myndina tala. Appið er frítt og má nálgast hér og hér er smá sýnishorn af virkninni.
Fjóla Þorvaldsdóttir hefur reynslu að nota þetta app í leikskóla og hefur útbúið kennslumyndband um notkunina.
Með Canva er hægt að búa til veggspjöld, bæklinga og kynningar með einföldum hætti. Leiðbeiningar fyrir vefútgáfuna eru hér en appið virkar mjög svipað og má finna hér.
Nemendum og kennurum í Kópavogi stendur til boða að nota Canva Edu og áhugasömum er bent á að hafa samband við UT deildarstjóra í sínum skóla.
