Í micro:bit appinu er hægt að læra að forrita í JavaScript og Python. Það er hægt að skrifa kóða sjálfur eða púsla saman kóðablokkum. Appið inniheldur mörg sýnidæmi og verkefni sem hægt er að leysa en það er líka hægt að vinna frjálst.
micro:bit er í dreifingu í Jamf hjá nemendum og kennurum.
Classroom Pencil Box er einfalt teikniapp sem inniheldur m.a. reglustiku og gráðuboga.
Appið er í dreifingu hjá öllum nemendum í Jamf.
Class Timetable er einfalt app sem býður upp á að skrá kennslustundir, heimavinnu og margt fleira.
Appið er í dreifingu hjá öllum nemendum í Jamf.
LiteracyPlanet er kennslukerfi sem þjálfar enskukunnáttu og hentar það nemendum á aldrinum 6-16 ára. Kerfið miðar að því að efla enskukunnáttu með gagnvikum leikjum og æfingum. Kennarar geta fylgst með árangri nemenda og sett fyrir ákveðin verkefni í kerfinu eða nýtt sér það fyrirkomulag sem kerfið leggur til. Hér er stutt myndband um hvernig LiteracyPlanet virkar og hér hvernig kennari skipuleggur hópa og um einstaka nemendur hér.
Kópavogur eru með miðlæga áskrift af kerfinu og þeir kennarar sem hafa áhuga geta fengið nánari upplýsingar hjá deildarstjóra í upplýsingatækni í sínum skóla.
Blooket er vefur þar sem kennari getur búið til spurningar sem nemendur svara t.d. í spjaldtölvum. Kennari stofnar aðgang á Blooket.com en umhverfið minnir um margt á Kahoot.
Hér er myndband um fyrstu skrefin.
Með Stop Motion Studio appinu er hægt að gera skemmtilega hikmyndir. Til eru tvær útgáfur af appinu. Fría útgáfan er hér og keypta er hér. Vilji kennarar í Kópavogi fá keyptu útgáfuna handa sínum nemendum geta þeir haft samband við UT deildarstjóra í sínum skóla.
Fjölmennt hefur gefið út íslenskar leiðbeiningar og myndband á ensku hér.
Google Arts & Culture er bæði vefur og app frá Google sem fjallar um listir og menningu. Hægt er að fræðast um listamenn og söfn en einnig er mikil gagnvirkni bæði á vef og í appi. Til dæmis er hægt að setja sína eigin andlitsmynd í þekkt málverk og semja fjögurra radda óperu með Blob Opera og margt fleira.
Sjón er sögu ríkari.
Seek appið getur greint plöntur, dýr og sveppi. Hér er appið og hér er smá sýnishorn um virknina.
Með PlantNet appinu er hægt að greina plöntur með því að taka myndir af þeim. Hér er appið og hér eru leiðbeiningar um fyrstu skrefin.
