Hægt er að nota gervigreind til margra nota og hér eru tvö skemmtileg dæmi og bæði frá Google. Annað heitir AutoDraw en það reynir að geta sér til um hvað notandinn er að teikna og klárar teikninguna eins og sést í þessu myndbandi.
Hitt heitir Quick Draw og þá þarf notandinn að teikna hluti samkvæmt fyrirmælum.
Bergmann Guðmundsson hefur útbúið lesskilningsprófið Orðarún í Google Forms. Þið smellið á hlekkinn og þá getið þið sótt Google Forms skjal sem hægt er að leggja fyrir nemendur ykkar og fara yfir jafnóðum. Skjalið er með innbyggðum svarlykli þannig að þið fáið niðurstöðurnar um leið og nemandi hefur svarað spurningunum.
Ertu ekki með smarttöflu? Þá er Classroomscreen eitthvað fyrir þig en með því er hægt að setja upp skeiðklukku, QR-kóða og margt fleira. Classroomscreen er notað í vafra en ekki appi, útskýring er hér.
Osmo samanstendur af mörgum þroskaleikjum fyrir börn á aldrinum 5-12 ára. Tangram var fyrsta appið en svo hafa mörg önnur öpp bæst við eins og Words og Numbers en til að nota öppin þarf fylgihluti en þá má kaupa meðal annars hjá Nova.
Hér eru fínar leiðbeiningar á íslensku um leikina sem Unnur Valgeirsdóttir í Giljaskóla tók saman og hvernig hægt er að stofna aðgang og hér er myndband frá Telmu Ýr um Osmo í kennslu.
Hér er íslenskur Facebook hópur þar sem kennarar ræða um Osmo.
Human Anatomy Atlas er app sem sýnir á myndrænan hátt líkamsbyggingu mannsins. Hér er stutt myndband um appið og hér er vefur framleiðanda.
Appið kostar en kennarar í Kópavogi geta fengið það með því að hafa samband við UT deildarstjóra í sínum skóla.
Galdrabúðin er stærðfræðileikur á íslensku sem hentar börnum sem eru farin eða að byrja að leggja saman yfir 100. Höfundur efnisins er grunnskólakennari og tekur það mið af stærðfræðikennslu í 3. bekk. Efnið var unnið með hæfniviðmið aðalnámskrár í huga.
Appið kostar en það stendur nemendum og kennurum í Kópavogi til boða. Áhugasamir kennarar hafi samband við UT deildarstjóra sínum skóla.
Með Piktochart er hægt að búa til bæklinga með einföldum hætti. Það er unnið vafra en ekki appi og virkar það ágætlega í spjaldtölvunni eins og sést í þessu myndbandi. Hér eru leiðbeiningar um fyrstu skrefin.
QuiverVision er app sem breytir teiknuðum persónum í „lifandi“.
Sjá má hvernig þetta virkar hér og hérna er appið sem er ókeypis. Hægt er líka að kaupa sérstaka skólaútgáfu.
Orðaleikur á íslensku þar sem markmið leiksins er að reyna að mynda sem flest orð úr einföldu stafasetti áður en tíminn rennur út.
Padlet er nokkurs konar rafræn korktafla þar sem margir notendur geta sett inn sitt efni svo sem texta, myndir og vefslóðir. Padlet er bæði á vef og í appi.
Hér eru leiðbeiningar á íslensku um ýmsa notkunarmöguleika og hér eru 30 skapandi hugmyndir.
