ThingLink er skemmtilegt verkfæri þar sem nemendur og kennarar geta búið til gagnvirkar ljósmyndir með hlekkjum, myndböndum og texta. Hér er virknin útskýrð og hér er slóð á appið.
Category Archives: Miðstig
Textavélar
Textavélar (teleprompter) geta verið þægilegar í grænskjávinnu. Hér er app sem er ókeypis.
Explain Everything – myndbandagerðarapp með meiru
Með Explain Everything geta kennarar og nemendur búið til glærukynningar og myndbönd um allt milli himins og jarðar. Hér er útskýring á íslensku um virkni appsins. Appið er frítt upp að vissu marki.
Hér eru ítarlegar leiðbeiningar um allt er viðkemur appinu.
Hér eru leiðbeiningar hvernig hægt er að setja rúður sem bakgrunn í verkefnin.
Apple Clips – Myndbandagerðarapp
Apple Clips er app frá Apple til að búa til á fljótlegan hátt skemmtileg myndbönd þar sem hægt er að bæta við texta og ýmsum táknum. Hér er stutt myndband hvernig þetta kemur út og hér eru ítarlegri leiðbeiningar.
Hér eru leiðbeiningar um hvernig hægt er að bæta við texta og vinna með hann.
Smore – rafrænt fréttabréf
Smore er vefsíða þar sem hægt er að búa til rafræn fréttabréf með auðveldum hætti. Vefurinn býður upp á tilbúin sniðmát sem auðveldar notendum að búa til flott fréttabréf. Það kostar ekkert að búa til einföld fréttabréf en til er sérstök útgáfa fyrir kennara sem lesa má betur um hér.
Mentimeter – Gagnvirkar glærukynningar
Mentimeter er hugsað til að virkja nemendur í kennslustundum með því að varpa til þeirra spurningum eða hugmyndum sem þeir eiga að bregðast við nafnlaust, og allir sjá niðurstöðuna í rauntíma.
Quizizz – Rafrænar kannanir
Quizizz er frábær leið til að vera með rafrænar kannanir eða þjálfa ákveðin atriði í námi. Quizizz vinnur til dæmis mjög vel með Google classroom umhverfinu. Efni er búið til inni á vef en nemendur nota appið til að vinna með það.
Góð kennslumyndbönd eru hér til að skoða betur hvernig þetta virkar.
Incredibox – Vefsíða og app til að búa til tónlist
Með Incredibox er auðvelt fyrir notendur að búa til tónlist með því að raða saman laglínum og taktlínum. Það kostar ekkert að nota vefsíðuna en appið kostar.
Vilji kennarar í Kópavogi fá appið handa sínum nemendum geta þeir haft samband við UT deildarstjóra í sínum skólum.
QR kóðar í kennslu
Með QR kóðum er hægt að hafa tengla á vefsíður eða annað efni. Hér er hægt að búa til ókeypis QR kóða og hér eru leiðbeiningar hvernig hægt er að setja eigið myndband á YouTube og tengja það við QR kóða.
Hér er önnur síða sem býr til QR kóða þar sem hægt er að setja inn myndir inn í QR kóðana.
Hér eru leiðbeiningar hvernig hægt er að tengja QR kóða við hljóðskrár í Google Drive.
Hér eru 100 dæmi frá Ingva Hrannari hvernig hægt er að nota QR kóða í kennslu.
EDpuzzle til að breyta myndböndum
Um er að ræða vefsíðu þar sem hægt er að sækja myndband (t.d. af Vimeo eða Youtube), klippa það til (upphaf og endi) og t.d. tala yfir myndbútinn. Þannig getur kennarinn lagt áherslu á eitthvað tiltekið eða útskýrt betur það sem fyrir augu ber. Síðan er hægt að tengja þetta við Google Classroom o.fl. Hægt er að útbúa bekk og deila myndbandinu sem ítarefni eða til innlagnar. Hér er kennslumyndband um notkun EDpuzzle.