Á vefsíðunni dig.ccmixter er hægt að finna tónlist til að nota t.d. í myndbandagerð í iMovie. Tónlistin kostar ekkert en geta verður heimilda. Nánari leiðbeiningar hér.
Category Archives: Öll öpp
Photomath
Photomath er app sem getur lesið stærðfræðidæmi s.s. jöfnur og röð aðgerða og leyst þau skref fyrir skref. Appið kostar ekkert og má nálgast hér og hér er stutt myndband hvernig það virkar.
Photomath er í dreifingu í Jamf hjá nemendum og kennurum.
Kahoot spurningaleikir
Með Kahoot getur kennari búið til spurningar sem nemendur svara t.d. í spjaldtölvum. Kennari stofnar aðgang á kahoot.com en nemendur fara inn á kahoot.it til að spila leikinn eða nota appið.
Leiðbeiningar á íslensku hérna sem Sigríður Margrét bjó til. Hér er svo myndband með ítarlegum leiðbeiningum.
Hægt er að nota Kahoot í öllum fögum og hérna eru dæmi um stærðfræði.
FlexiQuiz
Með FlexiQuiz getur kennari búið til námsmatsverkefni á fljólegan hátt. Hér eru leiðbeiningar um fyrstu skrefin.
Socrative
Með Socrative getur kennari búið til námsmatsverkefni á fljótlegan máta. Íslenskar leiðbeiningar eru hér og hérna má nálgast kennaraappið og hér er nemendaappið.
Gervigreind og teikningar
Hægt er að nota gervigreind til margra nota og hér eru tvö skemmtileg dæmi og bæði frá Google. Annað heitir AutoDraw en það reynir að geta sér til um hvað notandinn er að teikna og klárar teikninguna eins og sést í þessu myndbandi.
Hitt heitir Quick Draw og þá þarf notandinn að teikna hluti samkvæmt fyrirmælum.
Orðarún – Lesskilningur
Bergmann Guðmundsson hefur útbúið lesskilningsprófið Orðarún í Google Forms. Þið smellið á hlekkinn og þá getið þið sótt Google Forms skjal sem hægt er að leggja fyrir nemendur ykkar og fara yfir jafnóðum. Skjalið er með innbyggðum svarlykli þannig að þið fáið niðurstöðurnar um leið og nemandi hefur svarað spurningunum.
Classroomscreen
Ertu ekki með smarttöflu? Þá er Classroomscreen eitthvað fyrir þig en með því er hægt að setja upp skeiðklukku, QR-kóða og margt fleira. Classroomscreen er notað í vafra en ekki appi, útskýring er hér.
Osmo
Osmo samanstendur af mörgum þroskaleikjum fyrir börn á aldrinum 5-12 ára. Tangram var fyrsta appið en svo hafa mörg önnur öpp bæst við eins og Words og Numbers en til að nota öppin þarf fylgihluti en þá má kaupa meðal annars hjá Nova.
Hér eru fínar leiðbeiningar á íslensku um leikina sem Unnur Valgeirsdóttir í Giljaskóla tók saman og hvernig hægt er að stofna aðgang og hér er myndband frá Telmu Ýr um Osmo í kennslu.
Hér er íslenskur Facebook hópur þar sem kennarar ræða um Osmo.
Human Anatomy Atlas – allt um líkamsbyggingu mannsins
Human Anatomy Atlas er app sem sýnir á myndrænan hátt líkamsbyggingu mannsins. Hér er stutt myndband um appið og hér er vefur framleiðanda.
Appið kostar en kennarar í Kópavogi geta fengið það með því að hafa samband við UT deildarstjóra í sínum skóla.