Apple Clips er app frá Apple til að búa til á fljótlegan hátt skemmtileg myndbönd þar sem hægt er að bæta við texta og ýmsum táknum. Hér er stutt myndband hvernig þetta kemur út og hér eru ítarlegri leiðbeiningar.
Hér eru leiðbeiningar um hvernig hægt er að bæta við texta og vinna með hann.
Smore er vefsíða þar sem hægt er að búa til rafræn fréttabréf með auðveldum hætti. Vefurinn býður upp á tilbúin sniðmát sem auðveldar notendum að búa til flott fréttabréf. Það kostar ekkert að búa til einföld fréttabréf en til er sérstök útgáfa fyrir kennara sem lesa má betur um hér.
Mentimeter er hugsað til að virkja nemendur í kennslustundum með því að varpa til þeirra spurningum eða hugmyndum sem þeir eiga að bregðast við nafnlaust, og allir sjá niðurstöðuna í rauntíma.
Quizizz er frábær leið til að vera með rafrænar kannanir eða þjálfa ákveðin atriði í námi. Quizizz vinnur til dæmis mjög vel með Google classroom umhverfinu. Efni er búið til inni á vef en nemendur nota appið til að vinna með það.
Góð kennslumyndbönd eru hér til að skoða betur hvernig þetta virkar.
Með Incredibox er auðvelt fyrir notendur að búa til tónlist með því að raða saman laglínum og taktlínum. Það kostar ekkert að nota vefsíðuna en appið kostar.
Vilji kennarar í Kópavogi fá appið handa sínum nemendum geta þeir haft samband við UT deildarstjóra í sínum skólum.
Með QR kóðum er hægt að hafa tengla á vefsíður eða annað efni. Hér er hægt að búa til ókeypis QR kóða og hér eru leiðbeiningar hvernig hægt er að setja eigið myndband á YouTube og tengja það við QR kóða.
Hér er önnur síða sem býr til QR kóða þar sem hægt er að setja inn myndir inn í QR kóðana.
Hér eru leiðbeiningar hvernig hægt er að tengja QR kóða við hljóðskrár í Google Drive.
Hér eru 100 dæmi frá Ingva Hrannari hvernig hægt er að nota QR kóða í kennslu.
Um er að ræða vefsíðu þar sem hægt er að sækja myndband (t.d. af Vimeo eða Youtube), klippa það til (upphaf og endi) og t.d. tala yfir myndbútinn. Þannig getur kennarinn lagt áherslu á eitthvað tiltekið eða útskýrt betur það sem fyrir augu ber. Síðan er hægt að tengja þetta við Google Classroom o.fl. Hægt er að útbúa bekk og deila myndbandinu sem ítarefni eða til innlagnar. Hér er kennslumyndband um notkun EDpuzzle.
Swift Playgrounds (Leiksvæði) er byltingarkennt app fyrir iPad til að læra forritun og að læra á forritunarmálið Swift sem er notað til hanna mörg öpp. Apple er framleiðandi appsins og það kostar ekkert.
Hér eru leiðbeiningar sem hægt er hlaða niður í iBooks.
Classkick er gagnvirkt verkfæri til að deila verkefnum með nemendum og er bæði á vef og í appi. Kennari getur séð skjái nemenda hjá sér og skrifað inn athugasemdir.
Örstutt kynningarmyndband hér. (1 mín).
Classkick fær góða umsögn hjá Common Sense education.
Hér eru tilbúin verkefni sem kennarar geta notað og hér eru verkefni úr Giljaskóla.
Með Bitsboard appinu er hægt að tengja saman myndir og hugtök, æfa stafsetningu og margt fleira í gegnum leik. Það eru til þrjár útgáfur af appinu:
Ef kennarar í Kópavogi hafa áhuga á keyptu öppunum þá hafið samband við UT deildarstjóra í ykkar skóla.
Hér eru nánari upplýsingar á heimasíðu Bitsboard.
Munurinn á hefðbundnu útgáfunni og keyptu.
