Studycat: Fun English for Kids – er enskukennsluapp sem hentar nemendum á yngsta stigi og er appið mjög einfalt í notkun.
Category Archives: Öll öpp
Hlaðvarp – Podcast
Hlaðvarp (Podcast) eru safn fyrir hljóðskrár. Í iPad-spjaldtölvunni er app til að hlusta og gerast áskrifandi að hlaðvörpum.
Til að hlaða upp og geyma hljóðskrár má benda á Soundcloud en þessi þjónusta er frí að vissu marki. Hér eru leiðbeiningar um hvernig hljóðskrár eru settar í Soundcloud.
Hér eru svo leiðbeiningar hvernig búa má til sitt eigið hlaðvarp með Garageband og hlaða upp í Soundcloud.
Anchor appið sem nú nefnist Spotify for Podcasters hefur verið vinsælt í hlaðvarpsgerð og hér útskýrir Björgvin Ívar hvernig það er notað og Sæmundur Helgason hérna líka og hleður því upp í Google hlaðvarp.
Til að gera hljóðskrárnar aðgengilegar nemendum er hægt að nota QR kóða. Sjá nánar hér.
Hér er svo frábær handbók um hlaðvarpsgerð frá A til Ö sem Oddur Ingi Guðmundsson tók saman.
Voice Dream – Read Aloud – textalesari
Voice Dream – Read Aloud er app sem les texta á íslensku. Appið má nálgast hér en fyrir kennara og nemendur í Kópavogi er best að spyrja deildarstjóra í upplýsingatækni um appið. Hér eru leiðbeiningar um hvernig virkja megi íslensku raddirnar. Hér eru textaleiðbeiningar um fyrstu skrefin og hér er leiðbeiningarmyndband á íslensku.
Hér eru svo leiðbeiningar hvernig hægt er að ná í rafbækur úr bókasöfnum skóla eða beint af vef MMS.
Book Creator – rafbókargerðarapp
Allir nemendur og kennarar í Kópavogi hafa aðgang að keyptu útgáfunni af Book Creator og er hún send út í gegnum Jamf. Annars má nálgast appið hér.
Hér eru almennar upplýsingar um appið en hægt er að nota það í Chrome-vafra og hér eru við algengum spurningum. Hér eru svo „spurt og svarað“ greinar um möguleika Book Creator.
Hérna eru svo 50 kennsluhugmyndir hvernig nýta má appið og ennþá fleiri hugmyndir hér og hér.
GBoard lyklaborð – breytir tali í texta
Nú er hægt að tala við spjaldtölvuna og hún skrifar niður það sem sagt er. Þetta er gert með appinu GBoard sem má nálgast hér.
Nánari leiðbeiningar má sjá hér.
Lyricstraining til þjálfunar í tungumálum
Lyricstraining er vefsíða sem streymir lögum af youtube en setur lagatextana í sérstakan glugga. Í lagatextana vantar orð sem notendur þurfa að skrifa inn í til að klára að hlusta á lagið. Lyricstraining virkar vel í spjaldtölvu og borðtölvu. Útskýringarmyndband á íslensku hér og á ensku hér.
Quizlet – gagnvirkar æfingar
Með Quizlet geta nemendur þjálfað hugtakaskilning með gagnvirkum hætti. Kennari getur sett fyrir ákveðin verkefni en nemendur geta líka leitað að verkefnum í gagnagrunni Quizlet. Appið er hér og hér eru nánari upplýsingar um Quizlet og hér er kennslumyndband um fyrstu skrefin.
ThingLink – gagnvirkar myndir
ThingLink er skemmtilegt verkfæri þar sem nemendur og kennarar geta búið til gagnvirkar ljósmyndir með hlekkjum, myndböndum og texta. Hér er virknin útskýrð og hér er slóð á appið.
Textavélar
Textavélar (teleprompter) geta verið þægilegar í grænskjávinnu. Hér er app sem er ókeypis.
Explain Everything – myndbandagerðarapp með meiru
Með Explain Everything geta kennarar og nemendur búið til glærukynningar og myndbönd um allt milli himins og jarðar. Hér er útskýring á íslensku um virkni appsins. Appið er frítt upp að vissu marki.
Hér eru ítarlegar leiðbeiningar um allt er viðkemur appinu.
Hér eru leiðbeiningar hvernig hægt er að setja rúður sem bakgrunn í verkefnin.