Numbers er töflureiknir frá Apple sem fylgir spjaldtölvunni. Hér er handbók frá Apple um notkun appsins. Hér er kennslumyndband um fyrstu skrefin í Numbers.
Category Archives: Unglingastig
Pages
Pages er ritvinnsluapp (líkt og Word og Docs) frá Apple sem fylgir spjaldtölvunni. Hér er handbók frá Apple um allt er viðkemur appinu og hér leiðbeiningarmyndband um fyrstu skrefin.
Garageband
Garageband er app frá Apple sem fylgir spjaldtölvunni og er notað til að búa til tónlist. Hér eru leiðbeiningar frá Björgvini Ívari um fyrstu skrefin og hér eru ítarlegri leiðbeiningar frá Fjölmennt.
Hér eru svo handbók frá Apple.
Apple Classroom – bekkjarstjórnun
Það má ekki rugla saman Apple Classroom við Google Classroom þó nöfnin séu svipuð. Google Classroom (græna appið) er til að setja fyrir verkefni og taka á móti þeim en Apple Classroom (appelsínugula appið) er bekkjarstjórnunarkerfi. Kennarar í Kópavogi geta sótt appið í Jamf.
Hér er ágætt yfirlit yfir virkni appsins en deildarstjórar í upplýsingatækni í hverjum skóla veita nánari upplýsingar um skráningu nemenda í kerfið.
iMovie myndbandagerð
iMovie er myndbandagerðarapp frá Apple sem fylgir spjaldtölvunni. Með því er hægt að búa til myndbönd með einföldum og fljótlegum hætti enda er það mjög vinsælt meðal nemenda. Hér eru leiðbeiningar frá Björgvini Ívari um fyrstu skrefin og hér eru leiðbeiningar um Green Screen möguleikann sem er innbyggður í appið.
Hér er sýnt hvernig iMovie appið sjálft getur búið til myndband úr mörgum myndum og myndbandsbútum og hér um „Storyboard“ möguleikann.
Hér eru svo ýmsar leiðbeiningar um grunnatriði í kvikmyndagerð.
Keynote – glærugerð
Keynote er glærugerðarapp frá Apple sem fylgir spjaldtölvunni og kostar ekkert. Það er mjög einfalt að búa til flottar glærukynningar í Keynote en einnig er hægt að nota appið til að búa til hreyfimyndir og jafnvel einföld öpp. Hér eru leiðbeiningar um fyrstu skrefin og hér eru leiðbeiningar frá Björgvini Ívari um hreyfimyndagerð og fleira en hann hefur útbúið mörg kennslumyndbönd um Keynote.
Canva bæklingagerð
Með Canva er hægt að búa til veggspjöld, bæklinga og kynningar með einföldum hætti. Leiðbeiningar fyrir vefútgáfuna eru hér en appið virkar mjög svipað og má finna hér.
Nemendum og kennurum í Kópavogi stendur til boða að nota Canva Edu og áhugasömum er bent á að hafa samband við UT deildarstjóra í sínum skóla.
Sphero – Forritunarleg kúla
Sphero er lítil forritunarleg kúla sem hefur verið mjög vinsæl hér á landi og því mikið til af kennsluefni á íslensku. Kennarar í Vatnsendaskóla bjuggu til námsefni fyrir Sphero sem þeir kalla Kúlus og er það gott framtak að íslenska hluti og hugtök sem notuð eru í skólastarfi. Kennaraheftið er hér og nemendaheftið hér.
MSHA hefur einnig tekið saman verkefni og hugmyndir og hér er efni fyrir lengra komna sem Ingvi Hrannar tók saman.
Appið kostar ekkert og er hér í App Store.
Choiceworks – sjónrænt skipulag
Öppin Choiceworks og Choiceworks Calendar eru góð verkfæri fyrir þá nemendur sem þurfa sjónrænt skipulag. Öppin kosta en nemendum og kennurum í Kópavogi stendur til boða að nota öppin og er áhugasömum bent á að hafa samband við UT deildarstjóra í sínum skóla.
Hér má nálgast nánari upplýsingar um öppin.
Picollage – myndasafn
Með Picollage er hægt að raða saman myndum á skemmtilegan hátt og skrifa texta yfir þær. Appið er hér og hér er kennslumyndband um fyrstu skrefin og hér er spurt og svarað varðandi appið.