Með Stop Motion Studio appinu er hægt að gera skemmtilega hikmyndir. Til eru tvær útgáfur af appinu. Fría útgáfan er hér og keypta er hér. Vilji kennarar í Kópavogi fá keyptu útgáfuna handa sínum nemendum geta þeir haft samband við UT deildarstjóra í sínum skóla.
Fjölmennt hefur gefið út íslenskar leiðbeiningar og myndband á ensku hér.
Með Textingstory er hægt að búa til skilaboðaþráð milli tveggja einstaklinga sem getur verið einstaklega skemmtilegt milli persóna sem voru uppi fyrir tíma snjalltækja. Hér er appið og hér eru leiðbeiningar um fyrstu skrefin.
iMovie er myndbandagerðarapp frá Apple sem fylgir spjaldtölvunni. Með því er hægt að búa til myndbönd með einföldum og fljótlegum hætti enda er það mjög vinsælt meðal nemenda. Hér eru leiðbeiningar frá Björgvini Ívari um fyrstu skrefin og hér eru leiðbeiningar um Green Screen möguleikann sem er innbyggður í appið.
Hér er sýnt hvernig iMovie appið sjálft getur búið til myndband úr mörgum myndum og myndbandsbútum og hér um „Storyboard“ möguleikann.
Hér eru svo ýmsar leiðbeiningar um grunnatriði í kvikmyndagerð.
Nemendur hafa gaman af brúðugerð í spjaldtölvum og hér eru tvö öpp sem hafa notið mikilla vinsælda hér á landi síðustu ár. Þau heita nánast það sama enda frá sama framleiðanda og hafa mjög svipaða virkni.
Puppet Pals HD er meira notað með yngri nemendum eins og Fjóla Þorvaldsdóttir hefur mikla reynslu af og hefur hún útbúið nokkur myndbönd sem sýna möguleika appsins.
Tvær útgáfur eru af þessu appi. Fría útgáfan er með fáum sögupersónum en keypta útgáfan með fleiri möguleikum.
Puppet Pals 2 er hitt appið og það hefur annað útlit en Puppet Pals HD en svipaða virkni. Það kemur líka í tveimur útgáfum. Fría útgáfan er með fáum sögupersónum en keypta útgáfan með fleiri.
Chatter Pix Kids er einfalt og skemmtilegt app þar sem tekin er mynd og gert strik þar sem á að vera munnur. Síðan er röddin tekin upp og appið lætur svo myndina tala. Appið er frítt og má nálgast hér og hér er smá sýnishorn af virkninni.
Fjóla Þorvaldsdóttir hefur reynslu að nota þetta app í leikskóla og hefur útbúið kennslumyndband um notkunina.
Á vefsíðunni dig.ccmixter er hægt að finna tónlist til að nota t.d. í myndbandagerð í iMovie. Tónlistin kostar ekkert en geta verður heimilda. Nánari leiðbeiningar hér.
Með grænum vegg er hægt að skeyta fólki inn á ýmsar myndir eða myndbönd. Do Ink appið er mjög gott en það kostar en nemendum og kennurum í Kópavogi stendur það til boða. Áhugasamir hafi samband við UT deildarstjóra í sínum skóla.
Veescope appið er líka ágætt og það er frítt upp að vissu marki. Einnig er hægt að gera græn skjá verkefni í iMovie.
Hér eru nokkur góð ráð sem gott er að hafa í huga í grænskjágerð.
Textavélar (teleprompter) geta verið þægilegar í grænskjávinnu. Hér er app sem er ókeypis.
Með Explain Everything geta kennarar og nemendur búið til glærukynningar og myndbönd um allt milli himins og jarðar. Hér er útskýring á íslensku um virkni appsins. Appið er frítt upp að vissu marki.
Hér eru ítarlegar leiðbeiningar um allt er viðkemur appinu.
Hér eru leiðbeiningar hvernig hægt er að setja rúður sem bakgrunn í verkefnin.
Apple Clips er app frá Apple til að búa til á fljótlegan hátt skemmtileg myndbönd þar sem hægt er að bæta við texta og ýmsum táknum. Hér er stutt myndband hvernig þetta kemur út og hér eru ítarlegri leiðbeiningar.
Hér eru leiðbeiningar um hvernig hægt er að bæta við texta og vinna með hann.
